அரசாங்கத்தினுள்ளேயே ஊழல்கள் இடம்பெற்று வருகின்றன, ஆனால் ஜனாதிபதி அவற்றை கண்டுகொள்ளாமல் மூடிமறைக்கின்றார் – மக்களுக்கு அளித்த வாக்குறுதிகளையும் நிறைவேற்றவில்லை ; நாமல் குற்றச்சாட்டு

“அரசாங்கத்தினுள் ஊழல்கள் இடம்பெற்று வருகின்றன, ஆனால் ஜனாதிபதி அதைக் கண்டுகொள்ளாமல் மூடிமறைக்கின்றார்” என ஶ்ரீலங்கா பொதுஜன பெரமுனவின் (SLPP) பாராளுமன்ற உறுப்பினர் நாமல் ராஜபக்ஷ பாராளுமன்றத்தில் குற்றம் சாட்டினார்.

துறைமுகக் கொள்கலன்கள், நிதிப் பரிவர்த்தனைகள் மற்றும் நிலக்கரி இறக்குமதி தொடர்பான முறைகேடுகள் குறித்து நடவடிக்கை எடுக்க ஜனாதிபதி அனுர குமார திஸாநாயக்க தவறிவிட்டதாகக் குற்றம் சாட்டிய அவர், மக்களுக்கு அளித்த வாக்குறுதிகளை நிறைவேற்ற அரசாங்கம் தவறிவிட்டமை குறித்தும் கேள்வி எழுப்பினார்.

“ஜனாதிபதி அனுர குமார திஸாநாயக்க நாடு முழுவதும் பயணம் செய்கின்றார், ஆனால் பிரச்சனை என்னவென்றால் அவர் புதிய பொய்களுடனேயே திரும்பி வருகின்றார். அவர் தனது கண்களை மூடிக்கொண்டிருப்பதாகக் கூறுகின்றார்.

அது உண்மை தான் — கொள்கலன்கள் விடுவிக்கப்படுகின்றன, டொலர்கள் காணாமல் போகின்றன, ஆனால் ஜனாதிபதி தொடர்ந்து அதைக் கண்டுகொள்ளாமல் மூடிமறைக்கின்றார்” என ஶ்ரீலங்கா பொதுஜன பெரமுனவின் (SLPP) பாராளுமன்ற உறுப்பினர் நாமல் ராஜபக்ஷ பாராளுமன்றத்தில் குற்றம் சாட்டினார்.