வீடொன்றில் மறைத்து வைக்கப்பட்டிருந்த டிபெண்டர் ரக ஜீப் ஒன்று சிக்கியது – இருவர் கைதும் செய்யப்பட்டனர்

வென்னப்புவ – மிரிஸ்ஸங்கொடுவ பிரதேசத்தில் உள்ள வீடொன்றில் பதிவு இலக்கமின்றி மறைத்து வைக்கப்பட்டிருந்த டிபெண்டர் ரக ஜீப் ஒன்றுடன் இரண்டு சந்தேக நபர்கள் வென்னப்புவ பொலிஸார் தெரிவித்துள்ளனர்.



கைது செய்யப்பட்டுள்ள இருவர் லுனுவில – மிரிஸ்ஸங்கொடுவ பிரதேசத்தை சேர்ந்தவர்கள் என தெரிவிக்கப்படுகிறது.



அரசாங்கத்திற்குச் சொந்தமான ஐந்து வாகனங்கள் வீடொன்றில் மறைத்து வைக்கப்பட்டுள்ளதாக பொலிஸாருக்கு கிடைத்த தகவலின் அடிப்படையில் குறித்த வீட்டில் மேற்கொள்ளப்பட்ட சோதனையின் போது இந்த ஜீப் கண்டுபிடிக்கப்பட்டுள்ளது.



கைப்பற்றப்பட்ட டிபென்டர் ரக ஜீப்பில் பதிவு இலக்கங்கள் இல்லை என்பதுடன் குறித்த இலக்கங்கள் அழிக்கப்பட்டிருப்பதும் சோதனையின் போது தெரியவந்ததாக பொலிஸார் தெரிவித்துள்ளனர்