சமூக ஊடகங்களிலும் தொலைபேசி மூலமாகவும் பலரும் தன்னை தாக்குவதாகவும், இந்த சித்திரவதைகளை தன்னால் தாங்கிக்கொள்ள முடியாது எனவும் தெரிவித்து ஞானசார தேரர், CID யில் முறைப்பாடு

பொது பல சேனா (BBS) அமைப்பின் பொதுச் செயலாளர்  கலகொடஅத்தே ஞானசார தேரர், சமூக ஊடகங்களில் வெளியிடப்பட்ட அவதூறான கருத்துக்களுக்கு எதிராகக் குற்றப் புலனாய்வுத் திணைக்களத்தில் (CID) இன்று முறைப்பாடு ஒன்றைச் செய்துள்ளார், அத்துடன் இந்தத் துன்புறுத்தல்களை “தாங்கிக்கொள்ள முடியாதது” என்றும் அவர் விவரித்துள்ளார்.

இன்று குற்றப் புலனாய்வுத் திணைக்களத்திற்கு வெளியே செய்தியாளர்களிடம் பேசிய ஞானசார தேரர், நீண்ட நாட்களாகப் பொறுமையாக இருந்த பின்னர், 

முதன்முறையாக இந்த முறைப்பாட்டைச் செய்வதற்காக இங்கு வந்ததாகக் கூறினார்.

எந்தவொரு சரிபார்ப்பும் இன்றி தொடர்ச்சியாக அவதூறுத் தாக்குதல்கள் நடத்தப்பட்டு வருவதாகவும், நள்ளிரவில் வீடியோக்கள் பதிவேற்றப்பட்டு, மறுநாள் காலையில் தனது தொலைபேசிக்கு நூற்றுக்கணக்கான அழைப்புகள் வருவதாகவும் அவர் குறிப்பிட்டார்.

“இது என்ன வகையான வெறுப்புப் பேச்சு? இதுபோன்று மனிதர்களை மனரீதியாகத் சித்திரவதை செய்ய முடியுமா?” என்று அவர் கேள்வி எழுப்பினார்.
அவதூறான உள்ளடக்கங்களைக் கொண்ட குறுவட்டுகளை (CDs) ஆதாரங்களாகச் சமர்ப்பித்துள்ளதாகக் குறிப்பிட்ட பொது பல சேனா அமைப்பின் பொதுச் செயலாளர், இது குறித்து அதிகாரிகள் விசாரணை நடத்த வேண்டும் என்றும் வலியுறுத்தினார்.

நபர் ஒருவர் தனக்குத் தொடர்ச்சியாக அழைப்பு ஏற்படுத்தியதாகவும், தான் அதற்குப் பதிலளிக்காததால், மற்றவர்களையும் அழைக்குமாறு தூண்டி ஒரு வீடியோவைப் பதிவிட்டதாகவும், இதன் விளைவாக அடுத்த நாள் தனக்கு கிட்டத்தட்ட 500 அழைப்புகள் வந்ததாகவும் அவர் ஒரு சம்பவத்தை விவரித்தார்.
“இது நிறுத்தப்பட வேண்டும். அதனால்தான் நான் குற்றப் புலனாய்வுத் திணைக்களத்திற்கு வந்து முறைப்பாடு செய்தேன்,” என்று அவர் கூறினார்.