ஞானசார தேரரை நீதிமன்றத்தில் ஆஜராகுமாறு மேன்முறையீட்டு நீதிமன்றம் உத்தரவிட்டது – அறுவை சிகிச்சை ஒன்றுக்கு ஞானசார தேரர் ஆளாகவுள்ளதாக சட்டத்தரணி தெரிவித்தும் மருத்துவச் சான்றிதழ் இல்லாததால் எடுபடவில்லை
நீதிமன்ற அவமதிப்பு வழக்கு: ஞானசார தேரரை நீதிமன்றத்தில் ஆஜராகுமாறு மேன்முறையீட்டு நீதிமன்றம் உத்தரவு நீதிமன்ற அவமதிப்பு வழக்கு விசாரணைக்கு எடுத்துக்கொள்ளப்பட்டபோது நீதிமன்றத்தில் ஆஜராகத் தவறிய பொதுபல சேனா அமைப்பின் பொதுச் செயலாளர் கலகொடஅத்தே ஞானசார தேரரை நீதிமன்றத்தில் ஆஜராகுமாறு அறிவுறுத்துமாறு அவரது சட்டத்தரணிக்கு மேன்முறையீட்டு நீதிமன்றம் இன்று உத்தரவிட்டுள்ளது.
நீதிபதிகள் மயாதுன்ன கொரியா மற்றும் லக்மாலி கருணாநாயக்க ஆகியோர் அடங்கிய இரு நீதிபதிகள் கொண்ட அமர்வு முன்பாக இவ்வழக்கு விசாரணைக்கு எடுத்துக்கொள்ளப்பட்டது.
ஞானசார தேரர் சார்பில் ஆஜரான ஜனாதிபதி சட்டத்தரணி அனுர மெத்தேகொடை, தனது கட்சிக்காரர் அறுவை சிகிச்சை ஒன்றுக்கு ஆளாகவுள்ளதாக நீதிமன்றத்தில் தெரிவித்தார்.
எவ்வாறாயினும், அவர் சமூகமளிக்ததற்கான காரணத்தை உறுதிப்படுத்தும் வகையில் எத்தகைய மருத்துவச் சான்றிதினையும் நீதிமன்றத்தில் சமர்ப்பிக்கவில்லை.
அட்டர்னி ஜெனரல் சார்பில் ஆஜரான அரச சட்டத்தரணி, நீதிமன்ற அவமதிப்பு வழக்குகளில் பிரதிவாதியின் பிரசன்னம் அவசியமானது என்பதைக் சுட்டிக்காட்டியதுடன், பிரதிவாதிக்கான பிடியாணை பிறப்பிக்கப்பட வேண்டும் அல்லது இயலுமாயின் அவரை உடனடியாக நீதிமன்றத்தில் ஆஜராகுமாறு உத்தரவிட வேண்டும் எனக் கோரிக்கை விடுத்தார்.
சமர்ப்பிக்கப்பட்ட கருத்துக்களைக் பரிசீலித்த மேன்முறையீட்டு நீதிமன்றம், பிரதிவாதியை நீதிமன்றத்தில் ஆஜராகுமாறு அறிவுறுத்துமாறு ஜனாதிபதி சட்டத்தரணி அனுர மெத்தேகொடைக்கு உத்தரவிட்டது. அதனைத் தொடர்ந்து, பிரதிவாதி நீதிமன்றத்தில் ஆஜராவதை உறுதி செய்வதற்காக வழக்கு சிறிது நேரம் ஒத்திவைக்கப்பட்டது.
