அமெரிக்க செனட் சபைக்கு தெரிவான முதல் முஸ்லிம் உறுப்பினர் – டொனால்ட் ட்ரம்ப் கட்சி உறுப்பினரையும் தோற்கடித்து வரலாறு படைத்தார் அப்துல் எல்  சயீத்

டெக்னிகல் மற்றும் அமைப்பில் மாற்றங்களை கொண்டுவர முயன்ற ஜனநாயகக் கட்சியின் வேட்பாளரான டாக்டர் அப்துல் எல்-சயீத், மிச்சிகன் மாநிலத்தின் அமெரிக்க செனட் தேர்தலில் முன்னாள் எம்பி மைக் ரோஜர்ஸைத் தோற்கடித்து புதிய வரலாறு படைத்துள்ளார்.

இதன் மூலம் அமெரிக்க செனட் சபைக்குத் தேர்ந்தெடுக்கப்பட்ட முதல் முஸ்லிம் என்ற பெருமையை அவர் பெறுகிறார்.
இவரது வெற்றி, இந்தத் தேர்தலில் ஜனநாயகக் கட்சியினரின் கைகளை பலப்படுத்தியுள்ளது. மிச்சிகன் மாநிலத்தில் ஜனநாயகக் கட்சி செனட்டர் கேரி பீட்டர்ஸ் ஓய்வு பெற்றதைத் தொடர்ந்து, இந்தத் தொகுதி நாட்டின் மிகக் கடுமையான போட்டி நிறைந்த ஒன்றாகக் கருதப்பட்டது.

அரசியல் பின்னணியும் வரலாற்று மைல்கல்லும்
42 வயதான எல்-சயீத், எகிப்திய பெற்றோருக்கு மகனாக மிச்சிகன் புறநகர்ப் பகுதியில் பிறந்து வளர்ந்தவர். இவரின் வெற்றி அமெரிக்க அரசியலில் ஒரு முக்கியமான மைல்கல்லாகப் பார்க்கப்படுகிறது.

முற்போக்கு சிந்தனைகள் கொண்ட இவர், இஸ்ரேலின் நடவடிக்கைகளைத் திறந்தமனதுடன் விமர்சித்து வருகிறார்.

ஒருங்கிணைந்த மிச்சிகன் மாநிலத்தில், தொழிலாளர்கள், நடுநிலை வாக்காளர்கள் மற்றும் பல்வேறு சமூக மக்களின் ஆதரவைப் பெற்று இவர் இந்த வெற்றியைச் சாதித்துள்ளார்.
கடுமையான பிரச்சாரமும் சவால்களும்
தேர்தல் பிரச்சாரத்தின் இறுதி வாரங்களில் குடியரசுக் கட்சியினரின் கடுமையான விமர்சனங்களை எல்-சயீத் எதிர்கொண்டார். இவர் மீது மத ரீதியிலான குற்றச்சாட்டுகளும் சுமத்தப்பட்டன.

இருப்பினும், இத்தகைய விமர்சனங்கள் அனைத்தையும் கடந்து அவர் வெற்றி பெற்றுள்ளார்.
முன்னாள் அதிபர் டொனால்ட் டிரம்ப் மற்றும் குடியரசுக் கட்சி வேட்பாளர் மைக் ரோஜர்ஸ் ஆகியோர் எல்-சயீத்திற்கு எதிராக தீவிரப் பிரச்சாரம் மேற்கொண்ட போதிலும், வாக்காளர்கள் ஜனநாயகக் கட்சிக்கு ஆதரவாக வாக்களித்துள்ளனர்.

கல்வி பின்னணியும் மக்கள் நலப் பணிகளும்

மிச்சிகன் பல்கலைக்கழகத்தில் பட்டம் பெற்ற இவர், ஆக்ஸ்போர்டு பல்கலைக்கழகத்தில் ரைட்ஸ் scholarship பெற்றுத் தனது மேற்படிப்பை முடித்தார். கொலம்பியா பல்கலைக்கழகத்தில் மருத்துவப் பட்டம் பெற்ற போதிலும், இவர் மருத்துவராகப் பணியாற்றாமல் பொதுச் சுகாதாரத் துறையில் கவனம் செலுத்தினார்.

டெட்டிராய்ட் நகரின் பொதுச் சுகாதாரத் துறையின் தலைவராகப் பணியாற்றிய இவர், 2018-இல் மிச்சிகன் ஆளுநர் தேர்தலில் போட்டியிட்டுப் பரவலான கவனம் பெற்றார்.
முற்போக்கு கொள்கைகளும் வெளியுறவுக் கொள்கையும்
அனைவருக்கும் மருத்துவக் காப்பீடு, பணக்காரர்கள் மீது கூடுதல் வரி விதிப்பு மற்றும் அரசியலில் பெரும் பணக்காரர்களின் ஆதிக்கத்தைக் கட்டுப்படுத்துவது போன்ற பல முற்போக்குக் கொள்கைகளை முன்வைத்து எல்-சயீத் பிரச்சாரம் செய்தார்.

காசா போர் விவகாரத்தில் அமெரிக்காவின் தலையீட்டைக் கடுமையாக விமர்சித்த இவர், அந்தப் பணத்தை அமெரிக்காவின் உள்நாட்டு வளர்ச்சிக்கு, குறிப்பாகப் பள்ளிகள் மற்றும் மருத்துவத் துறைக்குப் பயன்படுத்த வேண்டும் என்று வலியுறுத்தினார்.
ஜனநாயகக் கட்சிக்குள் புதிய மாற்றம்
இவரின் வெற்றி, ஜனநாயகக் கட்சிக்குள்ளேயே பல புதிய விவாதங்களைத் தோற்றுவித்துள்ளது.

வெளியுறவுக் கொள்கை, பொருளாதாரச் சமனின்மை மற்றும் முற்போக்குச் சிந்தனைகள் கொண்ட இளம் தலைமுறை தலைவர்களைக் கட்சி எவ்வாறு அரவணைத்துச் செல்லப் போகிறது என்பதற்கு இந்த வெற்றி ஒரு சான்றாக அமைந்துள்ளது.

வரும் நாட்களில் அமெரிக்க செனட் சபையில் எல்-சயீத்தின் குரல், அமெரிக்க அரசியலில் மிக முக்கியமான ஒன்றாக இருக்கும் என்று எதிர்பார்க்கப்படுகிறது.