எமது வேலைத்திட்டத்தினால் இலங்கை உலகிலேயே நான்காவது இடத்தைப் பிடித்தது..

உள்நாட்டு மற்றும் வெளிநாட்டு பொருளாதார தாக்கங்களுக்கு மத்தியில் கூட இலங்கை பேணிவந்த நிலையான பொருளாதாரக் கொள்கை காரணமாக, சர்வதேச கடன் தரப்படுத்தல்களில் குறிப்பிடத்தக்க முன்னேற்றத்தை அடைய முடிந்துள்ளதாக தொழில் மற்றும் நிதி மற்றும் திட்டமிடல் பிரதி அமைச்சர் கலாநிதி அனில் ஜயந்த பெர்னாண்டோ தெரிவித்தார்.

ஸ்டாண்டர்ட் அண்ட் பூவர்ஸ் (S&P) சர்வதேச நிறுவனத்தினால் 2026 ஜூலை மாதம் வெளியிடப்பட்ட புதிய அறிக்கை குறித்து கருத்து தெரிவிக்கும் போதே அமைச்சர் இதனைக் குறிப்பிட்டார்.

இதன் முக்கிய அம்சங்கள் பின்வருமாறு:

• கடன் தரப்படுத்தல் மற்றும் ஸ்திரத்தன்மை: ஸ்டாண்டர்ட் அண்ட் பூவர்ஸ் நிறுவனத்தின் 2026 ஜூலை மாத புதிய தரப்படுத்தலின்படி, இலங்கையின் கடன் தரப்படுத்தலை முன்னர் இருந்த அதே மட்டத்தில் நிலையாகப் பேண அரசாங்கத்திற்கு இயலுமை கிடைத்துள்ளது.

• தිට்වා (Ditwah) சூறாவளியினால் ஏற்பட்ட தாக்கம் மற்றும் மத்திய கிழக்கு யுத்த நிலைமை போன்ற உள்நாட்டு மற்றும் வெளிநாட்டு அதிர்ச்சிகளுக்கு மத்தியிலும், பொருளாதாரப் பாதையை மாற்றாமல் தொடர்ந்து முன்னோக்கிச் சென்றதன் மூலமே இந்த ஸ்திரத்தன்மையைப் பாதுகாத்துக் கொள்ள முடிந்தது.

• பரிமாற்றம் மற்றும் மாற்றுத்திறன் (Transfer and Convertibility – T&C): முதலீட்டாளர்களின் நம்பிக்கையை வெல்வதற்கு அவசியமான T&C தரப்படுத்தல் குறிப்பிடத்தக்க அளவில் வளர்ச்சியடைந்துள்ளது. 2022 ஆம் ஆண்டில் மிக ஆபத்தான CCC மட்டத்தில் இருந்த இந்தத் தரப்படுத்தல், 2025 இல் CCC+ ஆகவும், 2026 වන විට B- (B minus) ஆகவும் முன்னேற்றம் கண்டுள்ளது.

• கடன் வெளிப்படைத்தன்மை மற்றும் முதலீட்டாளர் தொடர்பு: இந்த மதிப்பீட்டில் கொடுக்கப்பட்டுள்ள மொத்த 50 புள்ளிகளில் 43.67 புள்ளிகளைப் பெற இலங்கைக்கு இயலுமை கிடைத்துள்ளது. இது 2025 ஆம் ஆண்டுடன் ஒப்பிடும்போது 6.3 சதவீத வளர்ச்சியாகும். அதற்கமைய, 2026 ஆம் ஆண்டில் மதிப்பீட்டிற்கு உட்படுத்தப்பட்ட நாடுகளுக்கு இடையில் இலங்கை 4 ஆவது இடத்தைப் பெற்றுள்ளது.

• பொருளாதார வளர்ச்சி மற்றும் வருவாய்: 2026 ஆம் ஆண்டின் முதல் காலாண்டில் 5.1% பொருளாதார வளர்ச்சியை அடைய முடிந்துள்ளது. மேலும், 2026 ஜூலை மாதமளவில் வருடத்தின் எதிர்பார்க்கப்பட்ட வருமான இலக்குகளில் 63.5% ஐ அரசாங்கத்தால் பூர்த்தி செய்ய முடிந்துள்ளது.

• டொலருக்கு எதிராக ரூபாவின் மதிப்பு 400 – 500 வரை அதிகரிக்கும் என்று பரப்பப்பட்ட வ_கதைகள் அனைத்தும் பொய்யாக்கப்பட்டு, பொருளாதாரம் கட்டியெழுப்பப்பட்டுள்ளதுடன் ஒதுகீடுகளும் பலப்படுத்தப்பட்டுள்ளதாக அமைச்சர் மேலும் குறிப்பிட்டார்.