டுவிஸ்ட்டு…. கனேமுல்ல சஞ்ஜீவவை படுகொலை செய்த வழக்கின் முக்கிய சந்தேகநபர் இன்று அடையாள அணிவகுப்பில் கலந்துகொண்ட போது,  இரண்டு சாட்சிகளாலும் அவரை அடையாளம் காட்ட முடியவில்லை

“கனேமுல்ல சஞ்ஜீவா” என்ற பாதாள உலக தலைவன் படுகொலை வழக்கில் முக்கிய சந்தேகநபரான சமிந்து தில்ஷான் பியுமங்க, செவ்வாய்க்கிழமை கொழும்பு மாஜிஸ்திரேட் நீதிமன்றத்தில் அடையாள அணிவகுப்புக்கு அழைத்து வரப்பட்டார்.

பூஸ்ஸ சிறையில் தடுத்து வைக்கப்பட்டுள்ள பியுமங்க, கடும் பாதுகாப்புடன் நீதிமன்றத்துக்கு கொண்டு வரப்பட்டார். அடையாள அணிவகுப்பின்போது இரண்டு சாட்சிகள் கலந்துகொண்டனர். ஆனால், அவர்கள் எவரும் பியுமங்கவை துப்பாக்கி பிரயோகம் நடத்தியவராக அடையாளம் காணவில்லை.

பின்னர், சந்தேகநபர் பியுமங்க, தலைமை மாஜிஸ்திரேட் தனுஜா லக்மலி முன்னிலையில் அவரது அறையில் ஆஜர்படுத்தப்பட்டார்.

நீதிமன்றம், அவரை ஜூன் 6 ஆம் தேதி வரை விளக்கமறியலில் வைக்க உத்தரவிட்டதுடன், அடுத்த விசாரணைக்கு ஸ்கைப் மூலம் ஆஜராகுமாறு உத்தரவிட்டது.

கடந்த பெப்ரவரி 19 ஆம் தேதி, 19 கொலை வழக்குகளில் தொடர்புடையதாகக் கூறப்படும் கனமுல்ல சஞ்ஜீவா, ஹல்ஃப்ட்ஸ்ரோப் நீதிமன்ற வளாகத்தில் உள்ள 05 ஆவது மாஜிஸ்திரேட் நீதிமன்றத்தில் வைத்து துப்பாக்கியால் சுட்டுக் கொல்லப்பட்டார்.

அதன் சந்தேகநபர் பூஸ்ஸ சிறையில் இருந்து சிறை அதிகாரிகளால் நீதிமன்றத்துக்கு அழைத்து வரப்பட்டிருந்தார்.

இந்நிலையிலேயே இரண்டு சாட்சிகளும்  பியுமங்கவை துப்பாக்கிச் சூட்டாளியாக அடையாளம் காணவில்லை என தெரிவிக்கப்படுகிறது.